'Handia13' erakusketa bisitatzeko azken eguna da gaur

Filmaren eszenatoki bilakatu zen Igartubeiti. /  GALILEA
Filmaren eszenatoki bilakatu zen Igartubeiti. / GALILEA

MIRYAM GALILEA EZKIO.

Bost hilabete baino gehiago izan dugu Handia filmaren aztarna bizirik Igartubeitin. Sukaldea edota goiko solairuko arto lehortegia bilakatu ziren pelikula arrakastatsu honen eszenatoki, eta gure baserriaren xarmari gehitu zaio zinearen magia hilabete hauetan, erakusketa bere amaierara iritsi delarik.

'#Handia13... argiak, kamara eta akzioa!' erakusketa martxoan inauguratu zen Igartubeitin, baserria filma honen eszenatoki bilakatuta, baserriko gune ezberdinak biltzen dituen hamahiru argazkiez osatuta dago hau eta gaur arte egongo da ikusgai. Gaurko ordutegia; goizeko 10:00etatik 14:00ak bitartean eta arratsaldeko 16:00retatik 19:00ak arte.

Filmaziotik aukeratutako hamahiru argazkiek baserriko gune ezberdinak ezagutzera gonbidatzen dute XIX. mendeko erraldoiaren eskutik. «Igartubeitik adierazten duenak, teilatupe berean jaso ditu behin errealitate izan zena eta gaur fikzioaren bitartez biziberritu dena. Goya Sarietako aurreko edizioan Handia filmak lortu zituen izendapen kopuruari ohore egiten dion erakusketa honek, baserriko gune ezberdinetako, horien artean».

Horrez gain, hilabete hauetan eta filmaren gai nagusitik abiatuz, hezkuntza programa diseinatu izan da, Lehen eta Bigarren Hezkuntzako ikasleek Gorputz Anitzen arazoa aztertu eta landu izan dutelarik.

«Beste behin, ondarearen bitartez, gaur egungo gizarteaz hausnartzeko aukera dugu, iraganetik abiatuz etorkizunera begira».

Mendebalde

Uztaila erdialdean inauguratu zen Igartubeitin Asier Gogortzaren 'Mendebalde' erakusketa eta hau azaroaren 4ra arte egongo da ikusgai Interpretazio zentruko atarian. Euskal Herriko toki ezberdinetako baserrien 22 argazkiz osatutako multzoa eskaintzen digu.

Contenido Patrocinado

Fotos

Vídeos