Goierriko Jardunaldi Ekologikoak gaur hasiko dira hitzaldi batekin

El Diario Vasco
EL DIARIO VASCOZERAIN.

Goierriko jardunaldi ekologikoek 12 urte betetzen dituzte aurten eta Zeraingo azoka ekologikoak, 25. Jardunaldiak bihar hasiko dira, Ataungo Udaletxeko Ganbaran, 19:00etan. Aurten zendu den Aitor Roman ekobaserritarraren omenez egingo da saioa. Urtzi Goiti Ugarte biologo eta Kolore Guztietako Basoak ekimeneko kideak 'Egungo basogintza politikaren azterketa eta etorkizunerako aukerak: baina non daude gure basoak?' hitzaldia eskainiko du.

Igandean, 10:00etatik 14:00etara, Zeraingo XXV. Azoka Ekologikoa egingo da.

Irailak 19an, osteguna, Zeraingo Kultur Etxean, 19:00etan, 'Aleka, euskal hazia' esperientzia ezagutzeko aukera izango da. Zalantzak ere argituko dituzte.

Irailak 26, osteguna, Ordiziako D'elikatuz Museoan (19:00etan) '¿Y qué es la bioconstrucción?' Eta zer da bioeraikuntza? hitzaldia. Hizlariak Ekaitz Uribe Rus Oreka Arkitekturako kidea eta sortzailea eta Ekian Euskal Herriko Bioeraikuntza Profesionalen Elkarteko sortzaileetako bat eta presidenteordea, Nagore Tolosa, Oreka Arkitekturako kidea eta Ekaitz Uribe, Bioeraikuntzaren Adiskideak taldearen bileren koordinatzailea. Euskaraz eta gaztelaniaz.

Irailak 28an, larunbata, Ordiziako D'elikatuz Museoan, 10:00etatik 14:00etara, Goierriko ekonomia sozial eta erakdatzaileko proiektuen topaketa egingo da. Esperientzia ugari ezagutzeko aukera izango da; hau da, esperientziak trukatu, elkarrengandik ikasi eta saretzen hasteko aukera. Olatukoop-ren laguntzaren, euskaraz eta gaztelaniaz egingo da.

Urriak 5ean, Mutiloako Elkartean, 10:00etatik 14:00etara, tailerra egingo da: Nerea Zorokiainek fermentuak nola egin erakutsiko du.