Emanaldia, bazkaria eta jolasak eskolako festan

Eskola. Inauterietan ere, haur, guraso eta irakasleek festa elkarrekin egin zuten. / GALILEA
Eskola. Inauterietan ere, haur, guraso eta irakasleek festa elkarrekin egin zuten. / GALILEA

Larunbatean eguerdian hasi eta egun osoan zehar ederki pasatzeko aukera izango dute

MIRYAM GALILEA EZKIO.

Ezkio eta Itsasoko Herri Eskolaren festa ospatuko dute aurten ere herrian, Herri Eskolak antolatuta, eta Ganbara eta Yartu Kultura elkarte eta Ezkioko Udalaren laguntzaz; eta honetarako aukeratutako eguna larunbata izan da. Eguerdian hasi eta arratsalde osoan zehar, parte hartzen duten guztiek ederki pasatzeko aukera izango dute.

Egitaraua

Festarekin hasteko eguerdiko 12:00etan egun hauetan gogoz prestatutako emanaldia eskainiko dute eskolako haurrek eta amaitzerakoan guztiek elkarrekin Herri Bazkarian parte hartuko dute. Goza tabernak egingo du bazkaria, eskolako jangelan egiten den bezala, Bertatik Bertarako produktuez prestatutakoa izango dena. Guztira 80 bat lagun elkartuko dira egun honetan, espreski eskolako sarreran kokatutako karpan bazkalduko dutelarik.

Eta amaitzerakoan joko desberdinetan parte hartzeko aukera egongo da:oztopo zirkuitoa, mahai jolasak, txontxongiloekin jolasteko aukera edota makilajea. Animatu!