Dekorazio tekniken ikastaroan poltsak eta mahai-bideak dira aurtengo protagonistak

Ikastaroa. Aurreko urtean ere, dekorazio teknikak. /  GALILEA
Ikastaroa. Aurreko urtean ere, dekorazio teknikak. / GALILEA

Hiru eguneko ikastaroa izango da, lehenengo saioa gaur ospatuz, eta zortzi parte hartzaile ditu

GALILEA EZKIO.

Aurten ere, dekorazio tekniken ikastaroa aurrera eramango da herrian. Eta lehenengo saioa gaur arratsaldean, bertan, izango da Anduaga Etxean, arratsaldeko 15:30etik aurrera.

Arrakasta handiko ikastaroa izaten da hau, adin desberdinetako herritarrek parte hartuz, eta, aurten, zortzi interesdun daude. Hauek, hamar orduko ikastaro honetan, hiru egunetan banatuta dagoena, parte hartuko dute.

Oraingoan, poltsak eta mahai-bideak sortuko dituzte. Stencil, sublimazioa edota esku hutsa -mano alzada delakoa-, izango dira ikastaroan landuko diren teknikak eta, hauek erabiliz, bi eskulan proposatzen dituzte irakasleek: poltsa josi eta apaintzea, hau margotuz, ponpoiak ipiniz; eta, oihalak landuz, mahai-bideak egitea (camino de mesa delakoa), hainbat modutan apainduz hau ere. Aurreko urtetan izan den bezala, oraingoan ere Maite Fernández eta Helena Herreros izango dira irakasleak.

Lehenengo saioa gaur izango da eta hurrengoak hilaren 20 eta 27an ospatuko dira.

Contenido Patrocinado

Fotos

Vídeos