Dagoena mantenduz, bosgarren edukiontzia ere jarriko da herrian

Zabor-gunea. Santa Lutziko Errekabarrena auzoko zabor gunea estaltzen ari dira egun hauetan. /  GALILEA
Zabor-gunea. Santa Lutziko Errekabarrena auzoko zabor gunea estaltzen ari dira egun hauetan. / GALILEA

Errekabarrena auzoko zaborgunea estaltzen ari dira Gipuzkoako Foru Aldundiak emandako diru-laguntzari esker

MIRYAM GALILEA EZKIO.

Jakina da Sasietak egiten duen datu bilketan oso emaitza txarrak eman izan dituela Ezkiok azken urtean eta horrez gero, eta datu hauek hobetzeko nahiean, beste neurri bat ezartzea onartu zuen Udalak ospatutako azken Udal Osoko Bilkura. Horrela, bosgarren edukiontzia ere, marroia, Ezkioko zaborguneetan jarriko da.

Goierriko herri guztietako birziklatze datuak jaso eta Ezkio azken postuetan kokatu izan da azken hilabeteean. Herriko Udalak saio desberdinak egin izan ditu datu hauek hobetzeko asmoarekin baina dagoeneko ez da lortu eta horrez gero beste pauso bat ematea pentsatu du, neurri hau azken Udal Osoko Bilkuran aho batez onartu zutelarik: dagoen sistema mantenduz, bosgarren edukiontzia ezarri.

«Orain arte genuen zabor bilketa sistema ez dugu aldatu, hau osatu baizik eta hau argi geratzea oso garrantzitsua da. Hemendik aurrera konposta egiten zuenak hau egiten jarraitzeko aukera izango du; besteek organikoa bosgarren zaborrontzian botatzeko aukera ere izango dute», azaltzen du Jose Ignacio Etxezarreta alkateak.

Aldaketa hau, esan bezala, orain arte herriak izan dituen birzikla-tze portzentaien tasa igotzea da eta hori lortzen ez bada, beste neurri batzuk hartuko dituela adierazi du Udalak. «Orain arte izan dugun sistema osatzea da gure nahia eta neurri honekin birziklatze tasa hobetzea. Hala ere, eta hurrengo hilabeteetan bostgarren edukiontzia jarrita ere portzentaiak ez badira hobetzna, Udalak bestelako neurriak hartu beharrean ikusiko da», Etxezarretak.

Bosgarren edukiontziak gastu bat suposatuko dio Udalari: alde batetik edukiontziek duten gastua bera, eta bestetik, kamioiek egiten duten bidean ere aldaketa bat egongo da, ezartzearekin batera beraien ibilbidea luzatuko baita, orduan Ezkiora ere igo beharko direlarik. «Gastu hau inbertsio bat bezala ikusten dugu, birziklatze datuak hobetzeko beharrezkoa ikusten baitugu», adierazten du herriko alkateak.

Edukiontzi marroiak ezarriko diren data oraindik ez dago zehaztuta baina urte hau amaitu baino lehen bostgarren edukiontzia funtzionamenduan egongo dela aitortu du alkateak.

Bestalde, Ezkioko Udalak egin duen bosgarren edukiontziaren txarteketa hau Gabiriako Udalak ere aurrera eraman du.

Herriko zaborgune gehienek itxitura eta estalkia dute dagoeneko eta egun hauetan Errekabarrena auzora iritsi aurretik errotondan dagoen zabor gunean ere estalkia kokatzen aritu dira.

Berrikuntza hauek Gipuzkoako Foru Aldundiak emandako diru laguntza bati esker aurrera eramaten ari dira.

Contenido Patrocinado

Fotos

Vídeos