Batzorde Kudeatzaileak hautagai zerrenda berria badu

Maiatzaren 5ean aurrera eraman zen Itsason hurrengo legealdirako Batzorde Kudeatzaileko partaideak proposatzeko bozketa. Honetan boto gehien jasotako hamar herritarrak elkartu, eta hurrengo Batzorde Kudeatzaileko kideen izenak ezagutu ditugu dagoeneko.

Aurreko ostiralean, maiatzaren 10ean, boto gehien jasotako hamar herritarren artean bilera egin zen Udaletxean eta erabakitakoaren arabera, ondorengo herritarrek osatuko dute behin-behineko hautagaien zerrenda: Gorka Sasieta Barrenetxea, Maixabel Olanga Zabala, Anttoni Okariz Gorrotxategi, Kaio Iraeta Otamendi eta Olatz Iza Maiora.

Maiatzaren 26ko Udal, Erkidego eta Europako hauteskunde prozesua amaitu ondoren, Itsasoko Udalak, proposatutako hautagaien zerrenda Foru Aldundira bidaliko du, azken honek izenda dezan.