Aurtengo ehiza denboraldiari agur esango diote bihar

Urriaren 6an hasi zen ehiza denboraldia herrian eta igande honetan amaitu egingo da, asteburuan ehizatzeko azken aukerak izango dituztelarik.

Egunero eraman izan dira zozketak Anduaga Elkartean (larunbatetan izan ezik) eta atzo ospatu ziren azkenak. Guztira 61 ehiza postu zozketatu izan dira bai Ezkio eta baita Itsasoko lurretan: sei-zazpi bat postu andamioetan eta beste guztiak lurrean kokatutakoak izan direlarik.

Garbiketa, prestaketa eta zozketatan egin beharreko lanak Oreiña elkarteak aurrera eraman ditu.