Ataun hobeto ezagutzeko txangoa Yartu eta Udalaren eskutik

Bermeo eta Urdaibai ezaugutu zituzten aurrekoan. / YARTU
Bermeo eta Urdaibai ezaugutu zituzten aurrekoan. / YARTU

Barandiaran Museoa, Larruntzako zerrategia eta errota, tailerra edota kondairak ez dira faltako txango honetan

MIRYAM GALILEA EZKIO.

Urtero antolatzen dute Yartu Kultura Elkartekoek txangoa Euskal Herriko txoko desberdinak herritarrek elkarrekin ezagutzeko intentzioarekin eta, aurten, aukeratutako helmuga Ataun izan da; txangoa, uztailaren 21ean aurrera eramango da eta izena emateko epea aste honetan amaituko da.

Urtero ospatzen den ekintza dugu hau, Euskal Herriko txoko bat aukeratu eta hau hobeto ezagutzera herritar ugari hurbiltzen dira. Aurreko urtean, 50 lagun inguru gerturatu ziren Bermeo eta Urdaibai ezagutzera, eta, oraingoan, Ataun dute helmuga, bertan ere txoko ederrak bisitatzeko aukerarekin. Udaletik azaltzen dutenez, hau herritar guztientzako txangoa izango da eta, gainera, abendurarte ez da besterik egongo.

Txangoan parte hartzeko izena emateko epea zabalik dago, eta uztailaren 6a, ostirala, izango da hau egiteko azken eguna. Honetarako, udaletxeko 943 72 13 03 telefono zenbakira deitu beharko da.

Egitaraua

Goizeko 10:30etan udaletxe parean elkartu eta Ataungo bidea hartuko dute animatzen diren herritarrek, ordu betean eguneko lehenengo ekintzari ekinez.

Barandiaran Museoaren bisitarekin hasiko da eguna; hau ikusi eta Larruntzako zerrategia eta errotara bisita gidatua ere egingo da. Haurrentzat, mitologia-maskaren tailerra prestatuko da eta, bukaeran, denontzat kondairen kontaketa izango da ganbaran.

Gosea pizten hasi orduko, jatetxeko bidea hartuko dute hiru ordu larudenekoa paseotxoa eginez, eta bazkaria Bittor jatetxean ospatuko da: salda, entsalada mistoa, legatza edo azpizuna (solomillo delakoa), postrea, kafea eta edariak. Menuaren prezioa 20€ helduentzako eta 10€ haurrentzako izango da, norberak berea ordaindu beharko du; beste gastu guztiak Udalak eta Yartuk ordainduko dituzte.

Eguna borobiltzeko, arratsaldean Ataungo Organo Barrokoaren nazioarteko XII. jailadia izanik, munduko hainbat etniako musikak eta euskal musika kontzertua ikustera joango dira: sopranoa, organoa, biolina, etnien musika-tresnak eta Ataungo Abesbatzarekin. Kontzertua amaitzerakoan, Ezkiora buelta.

Gogoratu txangora joateko izena emateko azken eguna aste honetako ostirala izango dela.

Contenido Patrocinado

Fotos

Vídeos