Lan anitzak burutuko dituzte itsasoarrek larunbateko auzolanean

Udaberrian eta udazkenean, auzolana. / IAB
Udaberrian eta udazkenean, auzolana. / IAB

Arratsaldeko lanak amaitu eta auzolaneko parte hartzaile guztiek Itsasoko ostatuan afalduko dute elkarrekin

MIRYAM GALILEA ITSASO.

Urtean bitan aurrera eramaten dituzte itsasoarrek auzolanak herrian, kale, auzo eta inguruko mendi, baso eta baselizetan besteak beste konponketak, berrikuntzak eta bestelako lanak egiten dituztelarik Itsaso txukundu, berritu eta eder mantenduz. Udaberrian eta udazkenean ospatzen dituzten auzolan hauek eta udaberrikoa aurrera eramateko data jarrita dago dagoeneko, hau larunbata honetan arratsaldean ospatuko delarik.

Aurtengo udaberriko auzolana datorren larunbatean, hilak 13, burutuko da, ohi den bezala parte har- tzaileak arratsaldeko 14:30etan Itsason bertan elkartuko direlarik.

Herri Batzarrean adierazi zen bezala, auzolana taldeka aurrera eramango da eta egin beharreko lanak ondorengoak izango dira: panelak jarri, Udaletxean bi kokatuz, Zozabarron bat, elizan bi eta San Loren- tzon beste bat; lorategiak txukundu eta berritu Itsason eta Alegian; Itsaso-Alegia-Itsaso ibilbide zirkularra seinalizatzen amaitu; Itsaso-Kizkitza-Mandubia ibilbide zirkularra seinalizatzen hasi; ibilbideetan postelekuak zulatu eta masaz hartu; ostatuko etxebizitzako gelak margotu; eta seinalitika zaharra kendu.

Lan honekin guztiarekin amai- tzerakoan ohitura bilakatu den bezala, guztiek elkarrekin afaria egingo dute Itsasoko ostatuan.

Parte hartu

Herri Batzarrean izenak jaso baziren ere, antolatzaileek oraindik emateko aukera dagoela gogoratzen dute, honetarako Itsasoko udaletxera deitu beharko delarik 943 477 790 telefono zenbakira edo helbide elektroniko honetara mezua bidaliz: udala@itsaso.eus., izan ere, aurrekoan bezala asegurua egiteko, eta zenbatentzat afaria prestatu behar den jakiteko aurrez datuak beharko dituzte arduradunek biharko, nahiz eta egunean bertan ere datuak jaso ahal diren. Arduradunek materiala prestatua izango dute, baina partaide bakoitzak bere eskularruak eramatea eskatzen da.