Irati Elortondoren 'Agnés' film laburra, finalista Huhezinemako sail ofizialean

M. G. OÑATI.

XII. Huhezinema lehiaketako finalean egongo da Irati Elortondo oñatiarraren 'Agnés' film laburra. Denera 60 film aurkeztu dira sariketako sail ofizialera, eta horietako 10 aukeratu ditu epaimahaiak finalerako. Apirilaren 5ean egingo da azken saioa Aretxabaletako Arkupe aretoan, eta bertan ikusi ahal izango dira finalera iritsi diren hamar film laburrak.

Finalisten hautaketa zaila izan dela aitortu dute epai-mahaiko kideek. Inoizko euskarazko film gehien aurkeztu dira aurten Huhezinemara eta horrek isla du finalean arituko diren lanetan, hautatutako 10etatik sei euskarazkoak baitira. Lanak, erdi eta erdi, emakume eta gizonezko zuzendariek egindakoak dira.

Apirilaren 5ean sail ofizialeko sari nagusien lehian arituko diren 10 film laburrak azken urtean egindakoak dira. Drama da hautatutako film labur gehienak biltzen dituen generoa, animaziozko lan bat dago, eta aukeratutako 10 lanetatik zazpi finan- tziazio publikorik gabe egin dira, beraz, Vertigo sarirako hautagai dira.

Aipagarria da gainera aurtengo finalisten artean, Mondragon Unibertsitateko Ikus-entzunezko Komunikazioa Graduko ikasle ohiek zuzendutako hiru film labur daudela, ia aipatu dugun Irati Elortondo oñatiarraren 'Agnés' eta Miren Mujikaren 'Shell Phone' eta Mikel Uralderen 'Minutuak'.