'Inondik inora' familia antzerkia, bihar Santa Anan

Antzezlanaren une bat./
Antzezlanaren une bat.

Umorea eta poesia, musika zuzenean eta panpinak ustartzen ditu

M.G.

'Inondik inora' haur a-tzerkia eskainiko da bihar 17:00etatik aurrera, Santa Ana Antzokian Benetan Be konpainiaren eskutik. «Ez da lan makala postariok egin behar duguna, etxerik etxe, kalerik kale, mendirik mendi, bide, aire eta itsaso zabaletan zehar. Zuek bidalitako gutunak, postalak eta paketeak hartzailearengana garaiz helarazteko! Beti zehatz eta zorrotz. Ezin da inondik inora paketerik zabaldu, gutunik ireki edo postalik irakurri. Inondik inora ere ez», dio obraren sinopsiak.

'Inondik Inora' umorea eta poesia, musika zuzenean eta panpinak, euskara eta ingelesa uztartuz, jakinmina eta desobedientzia sustatzen dituen haurrentzako antzezlana da.

Shel Silversteinen testuetatik abiatuz, hitzak, poemak, irudiak eta abestiak antzerki bihurtuta. Batzuetan clownarena egiten, bestetan bufoiarena.

Konplizitatea eta jokuak

«Aktoreek musika zuzenean jo eta abestuz, panpin eta txotxongiloekin batera, paraje ezezagun zoragarrietara eramaten dituzte ikusleak. Eurekiko konplizitate eta jolas estuan beti», diote konpainiatik.

Euskal antzerkiaren sortzaile berriei laguntzeko Zubi deialdiaren bultzadarekin sortu da 'Inondik Inora' proiektua eta Benetan Be ekimena.

Patricia Urrutia (zuzendaria), Aiora Sedano eta Jon Zumelaga dira obra honen aktoreak. Sarrerak aurrez salgai daude 3,50 euroren truke.