'Konposteroak', birziklapena eta umorea lotzen dituen antzezlana

Zirika zirkus taldeak 'Konposteroak' lana eskainiko du Torresoroan gaur arratsaldeko sei eta erdietan. Hondakinen arazoari lotutako saioa, «heldu eta haurrek kontzientzia har-tzeko aukera bikaina» bezala iragarri dute. Umore-tantaz josita aurkeztuko dute birziklatzea.

Zirkua, antzerkia eta musika lotzen ditu Zirika zirkusek hiru pertsonaiaren bitartez: zaborra bereizten ez dakien eta ikasi nahi duen Konfuso, Plasti andereño marijakintsua eta ezkortasun eta haserrez betetako Karton jauna. Azken bi hauek edukiontzi banatan bizi dira.