Gorlara igo eta jaisteko korrika proba ekainaren 2an jokatuko da

Jose Inazio Garitano Herriko Plazatik Gorlako aterpetxera igo, pareta ukitu eta abiapuntura 34 minutu eta 46 segundotan itzuli zela 55 urte dira. 1963an ezarri zuen marka eta inork ez du hobetu. Ekainaren 2an, zapatua, izango da aukera. Ibilbide berean jokatuko da proba antzuolarrentzat eta parte hartu nahi dutenek udaletxeko kirol arduradunari eman diezaiokete izena. Amua ere jarri du Garitanok berak: «Irabazi eta marka hobetzen duenari Arin jatetxean bazkaria ordainduko diot».