Bizikidetza batzordea osatu da EH Bilduren eta EAJren botoei esker

Joseba Lezeta
JOSEBA LEZETA ANTZUOLA.

EH Bilduko eta EAJ-PNVko kideen babes eta botoei esker, Bizikidetza batzordea sortu du Udalak. Hala erabaki zuen udalbatzak bere azken osoko bilkuran. Aldiz, PSEko zinegotziak kontrako botoa eman zion batzorde hori osatzeari.

Badira hilabete batzuk elkarbizitzari eta memoriari lotutako proiektua abian dela. Bi antzuolarrek hartu dute euren gain lana, azken hamarkadetan Antzuolan euskal gatazkaren inguruan izandako testigantza, gertaerak eta gogoetak jaso dituztelarik. Zenbait elkarrizketa eta bilera deitu dira, hainbat lagunek euren esperientziak azaltzeko. Zer gertatu den hobeto ezagutu, aztertu eta herritarrek nola bizi izan duten jakitea da Udalaren babesa duen proiektu honen helburua.

Contenido Patrocinado

Fotos

Vídeos