Dolmenen Ibilbidea ezagutzeko doako bisita gidatuak

J.A.M. BERGARA.

Dolmenen Ibilbidearen balio arkeologikoa zein pasaia-balioa ezagutzera emateko, eta iaz eskainitako bisita gidatuek izan zuten harrera bikaina ikusirik -192 lagunek parte hartu zuten-, Elgoibarko, Bergarako eta Soraluzeko udalek, Debegesa Garapen Agentziaren lankidetzarekin, doako bisita gidatuen programa berria prestatu dute. Irteerak iraila eta azaroa bitartean egingo dira.

Lehena igandean eskainiko da, hilak 30. Euskaraz egingo da eta 7 plaza baino ez dira geratzen taldea osatzeko. Bigarrena urriaren 7an izango da, gaztelaniaz, eta dagoeneko taldea beteta dago. Datozen irteerak: urriak 21 (euskaraz), urriak 28 (gaztelaniaz) eta azaroak 4 (euskaraz). Hitzordua Karakateko aparkalekuan izango da, goizeko 10:00etan. Ibilaldian parte hartuko dutenei arropa erosoa eta mendiko oinetakoak eramatea gomendatzen zaie. Txangoa amaitzean, parte-hartzaileek gazta, ogia eta sagardoa dastatzeko aukera izango dute. Aurrez izena ematea beharrezkoa da. Heman dezakete 657 79 46 77 telefonoan edo info@begi-bisitan.com.

 

Fotos

Vídeos