Bergara Kirol Elkarteko kadete mailako taldeak astelehenean itzuliko dira

El Diario Vasco
EL DIARIO VASCO BERGARA.

Bergara Kirol Elkarteko Ohorezko Erregional eta 1. Erregional Mailako Gizonezkoak, Emakumezko Ohorezko Erregional eta Gizonezko Jubenil taldeek ekin diote denboraldi berria prestatzeari. Datorren astelehenean, abuztuak 27, Kadete Mailako gizonezko eta emakumezkoak hasiko dira eta irailean infantil eta Alebin guztiak.

Hauxe da klubaren egitura denboraldi berrirako; zuzendaritza: Iosu Elorza, Garbiñe Elorza, Jabi Ibarra, Jabi Orbea, Irune Alberdi, Iñaki Leizeaga, Enrike Nieto, Vicen Piñero, Oskar Navarro, Toño Retes, Angel Jiménez, José Luis Arietaleanizbeaskoa eta Antonio Pato.

Kirol Zuzendaritza: Manu Diazek kirol zuzendari eta Manolo Ortizek Harrobiko futbol zuzendari bezala jarraituko dute.

Futbol Eskolan aldaketa izango da, zuzendaritzako kide izatera pasatu den Enrike Nietoren lekua urteetan lehen taldeko kapitain izandako Imanol Cabanillasek beteko du. Atezainen arduradun, Miguel Basterrak jarraituko du eta fisioa Ana Jiménez izango da.

Hauteskundeen ostean, zuzendaritza berria osatuta, ondorengoak izango dira kirol sailen arduradunak: Marian Mellado (saskibaloia), Iosu Agirre (eskubaloia) eta Julen Aranburu (pelota).

Bergara Hiria irailak 1ean

Irailaren 1ean jokatuko da gizonezkoen Bergara Hiria Txapelketa eta Irailaren 8an lehen aldiz ospatuko da Bergara Hiria Emakumezkoen Txapelketa. Bergara Kirol Elkartetik egiten diete zaleei deia Agorrosinera gerturatu daitezen.

Contenido Patrocinado

Fotos

Vídeos