Aurtengo herriko pilota txapelketan 52 neska-mutikok hartu dute parte

Olaldeko pilota sailak herriko neska-mutikoentzat antolatutako txapelketan 52 lagunek hartu dute parte aurten. Zortzi bikote aritu ziren egubakoitz arratsaldeko finaletan udal frontoian.

Multzoka banatu zituzten lau finalak. Guztiak estuak izan ziren, 16ra egindako partidetan tanto gutxien egin zituen bikotea 13ra heldu zelarik. Emaitza hauek izan ziren: Aimar Linzoain-Auritz Iturbe, 16; Julen Garitano-June Garaikoetxea, 14 (A). Ekaitz Labaien-Jon Tena, 16; Aitor Alzelai-Iker Etxaniz, 13 (B). Eritz Garitano-Kimetz Iraola, 14; Ander Mihai-Oier Aldasoro, 16 (d). Unax Errasti-Imanol Gabilondo, 16; Inar Cabo-Aimar Madina, 13 (E).

Bestalde, Olaldek eta Aspe enpresak finkatu dute profesional mailako zein partida jokatuko den herriko festetako egubakoitzean, uztailaren 13an: Mendizabal III.a eta Merino I.a, Peio Etxeberria eta Erostarbren aurka. Arratsaldeko zazpietan hasiko da jaialdia. Aurrez kadeteak eta jubenilak ariko dira.