Sagar Egunak baserritar azoka gozatuko du etzi

ARRASATE.

Urriko baserritar azokak sagarrarekin lotura zuzena izango du etzi larunbatean. Sagar egunak hileko azoka gozatu eta girotuko du Seber Altube plazan 09.00etatik 14.00etara. Ohiko baserritar postuez gain sagar ekoizleak etorriko dira sasoiko fruitu hau erakutsi eta saltzera. Antolatzaileen esanetan, 30dik gora Euskal Herriko sagar mota eskeiniko dira.

Euskal Sagardoa jatorri deiturako koordinatzaile gerentea eta bertsolaria den Unai Agirrek sagar dastaketa saioa gidatuko du goizeko 11.00etan hasita.

Bestelako dastaketarik ere egongo da. Eusko Labeldun sahieki pintxoak erreko dituzte bertan eta pintxotan saldu sagardo tragoarekin lagunduta 1,5 euroren truke.

Sagar Eguna lehen aldiz antolatzen da Debagoieneko eskualdean eta gastronomia turismoarekin lotuta Mankomunitateak Deba Garai Landa Garapen Elkartearekin batera bultzatzen dituen jardueren baitan kokatzen da.

Contenido Patrocinado

Fotos

Vídeos