Presoekiko Elkartasun Egunak kontzertu zaparrada dakar bihar

Elkartasuna. Kulturaten egindako agerraldi jendetsua. /  OLIDEN
Elkartasuna. Kulturaten egindako agerraldi jendetsua. / OLIDEN

ARRASATE.

Musika nagusi izango da beste behin ere bihar zapatuan ospatuko den Elkartasun Egunean. Guztira hamasei kontzertu antolatu dituzte egun osoz luzatuko den jaialdi honetan. Horretaz gain, umeentzako jolasak eta herri bazkaria izango dira Biteri plazan (tiketak salgai Monte eta Irati tabernetan 13 eurotan).

Preso, iheslari eta errefuxiatuekiko elkartasuna agertzeko jaialdi hau antolatzeko arrazoiak «zoritxarrez ugariak jarraitzen» dutela eta, Elkartasun Egunaren 13. edizioak ohiko kontzertu zaparrada ekarriko du taberna hauetara: 12:45etan Basatin (WC) eta Jaizalen (Lukas Prest); 13:30ean Iluntzen (Laukatu) eta Montenean (Trigger); arratsaldeko 17:00etan Brankan (Las clítoris), Taupan (Salda dago), Osoriken (Sindy Berbenas), Ostantzen (Newrozz), eta Ezkinan (Balarrasa), 18:00etan Iratin (Gatz), DATen (Txua), Etxosten (Fact EH), Muxibarrenean (Krisis); 18:45etan Kajoi-Itzalan (Agus Thin Lizzy). Azkenik, gaueko 22:00etan Perlata eta Legez Kanpo taldeak arituko dira gaztetxean (sarrera 5 euro).

Manifestazioa plazatik

«Euskal preso, errefuxiatu eta iheslaria politikoen eskubideen defentsan» lelopean manifestazioa abiatuko da bihar 19:30ean plazatik.

Elkartasun Egunaren antolatzaile eta babesleek Kulturaten egindako agerraldi jendetsuan gogora ekarri zuten euskal presoek «sufritzen dituzten bizi baldintza jasanezinak», bereziki Josu Arkauz eta Unai Paroten kasuetan. Josu Arkauz, 61 urteko arrasatearra, «Murciako kar-tzelan isolatua» dago eta 27 urtetako kartzela zigorra beteta, libre egon beharko luke baina 2022-ra arteko zigorra ezarrita dauka». Unai Parot berriz, 60 urtekoa, «Puertoko kar-tzelan isolatua, 28 urtetako kartzela zigorra beteta, 2031-ra arteko zigorra ezarrita dauka».

Egungo espetxe politika «ankerra eta mendekuzalea guztion bultzada eta konpromezuarekin» aldatu beharra aldarrikatu zuten. Urruntze politikaren amaiera, Europako legediaren aplikazioaz bi Estatuko zigorren batura, lehen graduko kalifikazioa kentzea eta gaixo dauden presoak duintasunez artatuak izatea, dira lehentasunak beraien esanetan.

Contenido Patrocinado

Fotos

Vídeos