Arrasate

Euskaraldian izena emateko aukera izango da auzoz auzo bihar zapatutik hasita

Laugarren edizioa hasteko justu bi hilabeteren faltan, herritarrek Euskaraldian izena emateko epea bihar larunbatean, martxoaren 15ean, abiatuko da. Izen-ematea online egin daiteke, www.euskaraldia.eus webgunean, edo kalean jarriko dituzten mahaietara hurbilduz. Aurreko urteetan bezalaxe, herritarrok ahobizi eta belarriprest rolen artean aukeratuko dezakete.

Datozen egunetarako egutegia hauxe da: martxoak 15 Seber Altube plazako azokan (12:00-14:00. Bertan Euskaraldiko kamisetak, lanpazak eta kotoizko poltsak erosteko aukera ere izango da); martxoak 18 San Andresen, Jai batzordearen lokalean (18:30-20:30); martxoak 19 Arimazubi plazan, (18:30-20:30); martxoak 20 Arbolapetan (18:30-20:30); martxoak 21 Musakolako San Isidro plazan, (18:30-20:30).