Arrasate

Arrasatearren % 22k euskaraz egin zuen errenta aitorpena 2023an

Hasi berria da errenta aitorpena egiteko kanpaina Gipuzkoako Foru Ogasunean, eta ekainaren 30era arte iraungo du. Ohi bezala, Arrasateko Udalak dei egin die herritarrei errenta aitorpena euskaraz egin dezaten. Euskaraz egiteko asmoarekin, hitz klabeen hiztegi bat jasotzen du kanpainako eskuorriak.

Gipuzkoako Foru Aldundiaren datuen arabera, 2023ko errenta aitorpena arrasatearren % 22k egin zuen euskaraz. 2006. urtetik 16 puntu egin ditu gora errenta aitorpena euskaraz egin duten herritarren kopuruak.

Udalak errenta aitorpena euskaraz egitera gonbidatu nahi ditu oraindik pausoa ematera animatu ez diren arrasatearrak. Era horretan, euskarari bide berriak ireki-tzeaz gain, administrazioaren euskalduntzea ere bultzatzen baita.