Aretxabaleta

Herriko Euskaraldiak hamaikakoa aurkeztu du

Aretxabaletan, Euskaraldia prestatzeko urrats berri eta garrantzitsua egin da hamaikakoa aurkeztearekin. Herriko hamaika erreferente ezagunek (Ixak Sarasua, Rochy Nnayely, Julen Perales, June Elkoro, Antonio Tamayo, Araitz Lizarriturri, Rafa Dovao, Inma Miguel, Markel Perez, Katherine Arias, Iago Zuazua eta Mari Carmen Boyero) ariketa kolektiboan parte hartzera gonbidatu dituzte gainerako bizilagunak, udaletxe zaharraren aurrean izan den musikak eta bertsoek girotutako ekitaldi berezi batean. Ekitaldi honek, gainera, herritar guztien artean euskararen erabilera sustatzeko une aproposa ekarri du. Horrez gain, maiatzerako txapak banatzen hasi dira herritarren artean.