Ahariaren pisua asmatzeko lehiaketa egingo da San Isidro jaian

J.A.M. ANTZUOLA.

Debagoieneko ar-tzainen eguna ere bada aurtengo San Isidro jaia eta haiekin zerikusia duten hainbat ekitaldi antolatuko dira bihar zortzi, hilaren 18an. Umeentzat, esate batera, ardi latxaren bila jolasa prestatuko dute goizeko hamarretatik eguerdiko hamabi eta erdiak bitartean. Ordutegi berean, berriz, jendearen bistan jarri den ahariaren pisua asmatu beharko da.

Ardi ile-mozte erakustaldia ere egingo da goizeko hamaika eta erdietan. 'Artiletik harira' tailerra eskainiko zaie baita umeek ordu erdi lehenago, 11:00etan. Bestalde, bildotsa burduntzian prestatu eta 12:30ean hasiko da pintxo banaketa.

Bisita gidatua, domekan

'Antzuola urteetan zehar' bisita gidatua antolatu du Debagoieneko turismo sailak domeka eguerdirako. Hamabietan ekingo zaio. Hori bai, aurrez izena ematea eskatzen zaie parte hartu nahi dutenei 943 796463 telefono zenbakian ala turismo@debagoiena.eus e-mail helbidean.