Koldo Izagirreren 'Euzkadi merezi zuten'-ek 25 urte bete ditu eta berriz ere plazaratu da

Koldo Izagirreren 'Euzkadi merezi zuten'-ek 25 urte bete ditu eta berriz ere plazaratu da

DV. Susa argitaletxeak Koldo Izagirreren argitaratu du berriz ere. Idazle horren lehenbiziko eleberria da, aurreneko aldiz orain dela 25 urte plazaratua. Orduan Hordago- -Lur etxeak atera zuen.

Nobela laburra da, 1920 eta 1930 hamarraldietan kokatua. Beraz, monarkia, errepublika, altxamendu militarra eta gerra hartzen ditu bere baitan. Giro katoliko itoa, langileen neke gorriak eta garai hobeen esperantza zapuztua jasotzen ditu Izagirrek bertan.

Kontakizuneko giroa erdi rurala eta erdi industriala da eta fikziozko ez diren hainbat pertsonaia ere aipatzen dira: Victoria Eugenia erregina (Casas Baratas inaugratzen); Marrus eta Txirrita bertsolariak (sagardotegian); Victorio Luzuriaga enpresaria (Pasaiako fabrikan); De Buck eta Jean Graf kotxe pilotuak (Europako Grand Prix karreran 1926an... Pasaia, Altza, Hernani eta Herrerabezalako tokietan garatzen da istorioa.

Kontatzeko moldeari dagokionez, narrazio hau film baten tankerakoa da: kapituluz kapitulu, eta kapitulu bakoitza sekuentziaka antolatuta dago, errodatuta balego bezala.

Portadan Indalezio Ojangurenen argazki bat dago, 1932koa, non Orixe, Lizardi eta Damaso Intza ageri diren.

Contenido Patrocinado

Fotos

Vídeos