Udaltzain plazen hautaketarako aurkezteko epea aldatu dute Udaletik

Akatsa batengatik irailaren 15ean jarri zen epea, baina egiatan luzeagoa da

A.S.AZPEITIA.

DV. Uztailaren 24an Azpeitiko Udalaren sinadurapean Gipuzkoako Aldizkari Ofizialean (GAO) 4 udaltzain postuten hautaketarako aurkezpen epea argitaratu zen. Iragarki horren bitartez eta Udaleko idazkaritzat idatzita postuen aukeraketarako aurkezpen epea irailaren 15ean, asteartean, jartzen zen. Abuztuaren 26an Iñaki Etxezarretak, alkateordeak, sinatuta aurreko iragarkiaren akats zuzenketa argitaratu zuen GAOn. Zuzenketa honek adierazten zuen aurkezteko epea idazkaritzan egindako kalkulu akats batez ez zegoela ondo adierazita eta legez Estatuaren Aldizkari Ofizialean argitaratu (abuztuaren 29an izan zen hori) eta hurrengo egunetik zenbatuta 20 laneguneko epea izango zuela adierazten zuen. Honenbestez eta Udaltzaingoko iturriak adierazi dutenez izena emateko azken eguna aldatu da. Ondoren onartutakoen zerrenda argitaratuko du Udaletxeak. Emaitzekin ados ez daudenak 10 egun izango dituzte erreklamazioa egiteko.

Udalak argitaraturik dituen beste postuak ez dute inongo zuzenketarik jasan. Horrela, gizarte eta hizkuntza interpretazioko egitasmorako koordinatzaileen lan-poltsan izena emateko epea zabalik da. Etorkizun proiektuaren arduradunen aukeraketan izena emateko irakasle-eskolako lizentziatura eduki behar da eta hilaren 15a baino lehen aurkeztu behar dira eskatutako dokumentuak Azpeitiko Udaletxeko harreran.