Dunbarriak

JESUS MARI MENDIZABAL

Aste Santua izan behar zuen orduan ere, XVI. mendean, Baionako Santa Maria katedrala burutu zutenean bi dorre harrigarri zuzen, zorrotz, luzeekin. Hiru mende lehenago hasiak izan behar zuten eraikitzen. Orduan artean jentilak bizi omen ziren Aiako Harrian.

Udaberriko egun argi batean, ikusi dute jentilek Baionan eliza bat jasotzen hasiak zirela kristauak hargin, itzain, gurdi, idi eta abar mordoarekin. Fedegabeak izaki noski, eta kristau inbaditzailea begien bistan eraman ezinda, bildu dira trikuharriaren jiran burua bete kezka. Eta aho batez erabaki dute, bularra bete gorroto, eliza berriari harrika erasotzea bertatik.

Harkaitz puska izugarriak eskuetan hartu eta harrika ekin zioten amorratuta Han ere, baina, intentzioa luze bezain ekintza motz gertatu zitzaien: harkaitzak ez zirela inola demonio ailegatzen! Eginahalak eginagatik, ezin Baiona jo! Harriak itsasoan galdu ziren asko.

Harrikada-saio haren lekuko, L'Abadie azpiko lurmuturraren aurrean, Hendaian, bi harri handi geratu zaizkigu mendeetan itsas uretan ageriko. Dunbarriak dira, eta . Dunba-harriak. (Dunba hitzak esan nahi du zintzarri, ezkila, arran). Mila urte igarota urak bere bidean; eta kristauak bere idean. Eliza dugu, , harri luzea eta zabala.

Contenido Patrocinado

Fotos

Vídeos