Axi Muniain, munduko olatu handienak surfeatzen dituen euskalduna

Axi Muniain Europako goi mailan lehiatzen aritu zen, baina, 20 urterekin, lehiaketa mundua utzi eta surfa beste ikuspegi batetik bizitzen hasi zen. Ozeano Atlantikoak sortzen dituen itsasaldi handiak jarraitu eta haiek isurtzen dituzten olatu handienak surfeatzeko ahaleginean murgildu zen apurka. Urte askotako ahalegin eta ikerketa lanaren ondorioz emaitza ikusgarriak lortu ditu Muniainek.

Horrela, 2007an Billabong XXL Awards sarien finalera pasatu zen, Paddle modalidadean finalera pasa zen historiako lehen europarra izanik. 2009an berriro finalera iritsi zen, eta paddle eta towing modalitateen finaletara igarotzea lortu zuen munduko lehen surflaria bihurtu zen. Guztira, bost aldiz egon da XXL Big Wave Awards munduko bost olatu handienen sarien finalerako izendatua, azkena, 2015ean.

HItzaldiak ere emen ohi ditu zarauztarrak eta olatu erraldoien surflariak bere esperientziak kontatuko ditu Bermeon (Bizkaia) astelehen honetan, abenduaren 28an, Olatu handienaren bila izenburupean eskainiko dituen hitzaldi eta proiekzioan. Gazte Informazio Zerbitzuak (GIZ) antolatutako saioa 19:00etan hasiko da, Erroxape emakumeen elkartearen lokalean, Erreten parkean.

Surflari zarauztarra bere bidaietara eramaten dauen kamioiarekin iritsiko da Bermeora, eta bisitatzeko aukera izango da, 18:00etatik 19:00etara. Erreten parkean bertan kokatuko da Muniainen kamioia.