Enpresa eta saltokien segurtasunari buruzko prebentzio-kanpaina martxan

Foruzaingoak prebentzioko patruilak egiten ditu, gauean bereziki

E.B.GOIZUETA.

Elizondoko Foruzaingoko komisariak segurtasuneko prebentzio-kanpaina bat abian jarri du haren eraginpeko zonaldeko enpresa eta saltokietan, bi helbururekin: agenteek betetzen dituzten zerbitzuen berri ematea, eta haiekin batera prebentzioko lankidetza sustatzea, auzolan-eran.

Era horretan, Foruzaingoak zonaldeko 600 enpresa eta saltoki baino gehiago bisitatu ditu, eta gida bat eman die beren arriskuak azter ditzaten eta, horren ondorioz, lapurretak eta kalteak ekiditeko. Halaber, segurtasun-eskuliburu bat eman die, eta bertan gomendio batzuekin batera, Foruzaingoak eskaintzen dituen zerbitzuen zerrenda azaltzen da.

Bestalde, Foruzaingoak preben-tzioko patruilak egiten ditu, gauean bereziki, zonalde horretako enpresa eta saltokietan. Iaz era horretako 4.000 zaintza inguru egin zituen.

Foruzaingoak ere segurtasun-sistemen eraginkortasunari buruzko aholkularitza eskaintzen du prebentzio eta polizia-ikerketari dagokionez. Gainera, enpresa nahiz saltokien artean segurtasun-sare bat sortu nahi du prebentzioko mezu komunitarioak zabaltzeko, horretarako mezu elektronikoak bidaliz.

Foruzaingoak Elizondoko zonaldeko enpresari eta merkatariei eman dizkien gomendioen artean, nabarmendu behar da, lapurretako alarma-abisua badago, 112 SOS-Navarrara dei dezatela agenteak joan daitezen miaketa egitera eta egungo erantzun-denbora murriztu dadin.

Gainera, Foruzaingoak gomendatzen die beren negozioetan inbertituko duten euro bakoitzak beren enpresa nahiz merkatarien segurtasun objektiboa hobetu dezatela. Gainera, gogora ekarri du sarritan segurtasuna areagotu daitekeela zero-kostuarekin.

Edozein kontsulta egiteko, Elizondoko zonaldeko enpresario eta merkatariek udalerri horretako Foruzaingoaren komisariarekin harremanetan jar daitezke 948 581 864 telefonora dei eginez edo ondorengo helbide elektronikora mezu bat idatziz: pfelizondo@navarra.es.

Contenido Patrocinado

Fotos

Vídeos