Euskaraz Bizi Nahi Dut kamisetak salgai, Intxixu AEK-n

GOIZARINOIARTZUN.

Euskal Herrian euskaraz bizitzeko eskubidea aldarrikatzen duten kamisetak salgai daude Intxixu AEK-ko euskaltegian. Prezioa 10 eurokoa da, eta haur, emakume zein gizonezkoentzat daude.

Kamiseta horiek agortu egin ziren, irailaren 22an Euskaraz Bizi Nahi Dut egin zen lasterketan, Euskararen Gizarte Erakundeen Kontseiluak proposatuta. Egun horretan herritar ugari gelditu zen kamiseta horietakorik gabe. Orain, berriz, zabaldu dute erosteko aukera. Animatu!

Txirrindularitza irratian

Joxe Migel Lopezek gidatzen duen 'Kirolez Blai' irratsaioan txirrindularitzako denboraldia jorratuko dute gaur, eguerdiko 13:15etik aurrera. Gonbidatu hauek elkartuko ditu Gariñoko esatariak: Mikel Astarloza, Oiartzunen bizi den Euskaltel Euskadiko txirrindulari pasaitarra; Asier Otaegi, Astarloza taldeko kidea, eta Jon Odriozola, 23 urteko txirrindulari gaztea, 2012ko Giroan etapa bat irabazitakoa.

Contenido Patrocinado

Fotos

Vídeos