Umeen egun polita Leitzan

Leitzako umeak izan ziren aurtengo San Tiburtzio jaien aurreko asteburuko protagonistak. Izan ere, igandean Umeen Eguna ospatu zen bertan

KORPORAZIO TXIKIA. Txikienek korporazioarekin gosaltzeko aukera izan zuten. Gazteek helduei kendu zieten agintea egun batez./
KORPORAZIO TXIKIA. Txikienek korporazioarekin gosaltzeko aukera izan zuten. Gazteek helduei kendu zieten agintea egun batez.

Leitzako umeak izan ziren aurtengo San Tiburtzio jaien aurreko asteburuko protagonistak. Izan ere, igandean Umeen Eguna ospatu zen bertan. Goizean goiz hasita txistularien musikak iragarri zuen jai giroa izango zela nagusi bertan. Gero, korporazio txikiak udal ordezkariekin gosaldu zuen eta Umeen txupinazoa bota zuten Leitzako udaletxetik. Ondotik Aurrerako Pilota Eskolako gazteak aritu ziren pilotalekuan. Eguraldi txarra zela eta, goizekoe eta arratsaldeko ekintzak pilotalekuan burutu ziren. Esaterako, Aurrerako dantzari txikien ikuskizuna eta umeen ingurutxo irekia bertan egin zirenn. Gero, atertu ondoren, buruhandiak eta gurpildun zezenak atera ziren plaza inguruan eta gauerdira arte Gabenara taldearekin dantzaldia izan zen plazan. Ostiralean gehiago, orduan hasiko baitira ofizialki festak Leitzan

Contenido Patrocinado

Fotos

Vídeos