Lizarraga auzoko Laskuraintxiki baserriko bi bizi- tzetako baten tximiniak su hartu zuen atzo, logela bat erre eta kalteak eraginez. Suhiltzaileek emendatu zuten sua. Goizeko bedera-tzietan deia jaso ondoren, Antzuolara etorri eta bi orduz jardun zuten lanean, eurak baino minutu ba-tzuk lehenago heldu ziren auzokide eta ertzainekin batera.
Karmen Agirrezabal bizilagunak azaldu duenez, «sukaldeko sua piztu dut goizeko lehen orduan, neguan ohi den bezala, lanera joan aurretik. Bederatziak inguruan, gaueko txandan lan egin ondoren goiko solairuan lo zegoen semea esnatu egin da. Ke ugari zegoen gelan eta entxufeak sutan zeudela konturatu da. Itolarrian alde egin behar izan du handik. Berak eman du suaren berri».
Lizarraga auzoko lagun bat teilatura igo zen sua emendatzen laguntzeko. Ertzainak eta suhiltzaileek bi orduz jardun zuten lanean dena kontrolpean laga arte. Ganbarako egurrak ere sutan aurkitu zituzten.
Karmenek berak dioenez, «logela bat erreta gelditu da eta beste zenbait kalte eragin ditu suak».
