Euskal Herriko Bertsozale Elkarteko genero ba-tzordeak bigarrenez antolatu ditu U.morez jardunaldiak. Otsailaren 16 eta 23an egingo dira hitzaldiak Villabonako Subijana etxean. Otsailaren 16ko jardunaldiak Mari Luz Estebanekin hasiko dira, arratsaldeko 18etan. 'Begirada feminista bat euskal kulturari: irakaspenak periferiatik' da bere hitzaldiaren izenburua. Ondoren, arratsaldeko 19:30etan, Ander Izagirrek emango du bigarren hitzaldia: «Betaurreko moreak jarri nituenean...: kazetaritzatik esperientzia bat».
Otsailaren 23an beste bi hitzaldi izango dira. Arratsaldeko 18etan hasiko da Mikel Otxotorena, On:giz elkarteko kidearena: 'Maskulinitate klasikoaren eraikuntza publizitate eta zinemaren bidez'. Ondoren, 19:30etan, Maddi Oihenartek «Kantugintzatik esperientzia bat» izeneko hitzaldia emango du. Hi-tzaldiak jarraitzeko sarrera librea izango da. Ondoren elkarrekin afaltzeko aukera izango da eta horretarako aurretiaz eman behar da izena honako helbide honetara ida-tzita: umorez@bertsozale.com.
Iazko edizioan jende ugari bertaratu zen Subijana Etxera. Orduko hartan Jone Miren Hernandez, Xabier Odriozola, Ornitorrinkus proiektuko Maialen Lujanbio eta Judith Montero eta Leire Ibarguren aritu ziren hizlari moduan. Hi-tzaldi horiek ikusgai daude Bertsoa.com-en. Horrez gain, gaiarekin zerikusia daukaten zenbait eduki ere badaude web orri honetan.
Xenpelar dokumentalista
Xenpelar Dokumentazio Zentroak ordezkapen baterako dokumentalista behar du. Ezinbesteko baldin-tzak: lanpostuarekin zuzenean lotutako ikasketak izatea, antzeko lanetan eskarmentua izatea eta ordenagailu programa ezberdinekin lan egiteko erraztasuna izatea. Eskaintzen da: lanaldi erdia, goizez edo arratsaldez, Villabonako egoi-tzan. Kontratuaren iraupena: 2012ko irailaren 30era arte. Interesa duenak Curriculum Vitae-a bidali behar du Xenpelar Dokumentazio Zentrora (xenpelar@bertsozale.com) 2012ko otsailaren 15a baino lehen. Informazio gehiago behar izanez gero, idatzi mezu bat helbide horretara edo deitu 943692477 telefono zenbakira.
