Laiotz Herri Eskolako XVIII. Kultur Astea atzo hasi eta igandera bitartean ospatuko da. Hainbat ekintzekin burutuko da kulturaldia eta gaur ikasleen emanaldiak eta ipuin kontalariak izango dituzte eskolan bertan. Bihar Esther Martinezek Gurasoei zuzendutako hitzaldia eskainiko du, Kultur Etxean, 19.00etan. Ostegunean ikasleek eskainitako ikuskizuna izango da Baratze pilotalekuan eta ostiralean mozorro festa eta har-tzaren etorrerarekin ospatuko dira inauteriak.
Larunbatean haur jolas, futbito partida, tailer eta puzgarriekin jostatu ahalko dute haurrek, eta igandean egingo duten mendi irteerarekin amaituko da aurtengo kultur astea.
