Kilometroak 12 jaiaren inguruan Andoaingo Aita Larramendi Ikastolak ekitaldiak antolatzen jarraitzen du. Gabonetako oporrak pasata, martxotik aurrera areagotu egingo dira ekitaldi eta ikuskizunak, eta lehena ikasle ohientzako afaria izango da. Hala ere, ikasle ohiez gain, giro apartaz gozatu nahi duen edozein euskaltzalek izango du joateko aukera.
Afaria martxoaren 2an izango da, gaueko 21:30ean, Urnietako Oianumen jatetxean. Afaria bujatu ondoren Oin-disk festa izango da jatetxean bertan. Autobusa ere antolatuko du Larramendi Ikastolak joan-etorrirako eta berau 20:30ean irtengo da Txoperatik.
Afarirako txartelak
Afarira joateko txartelak KMK12ko Kale Nagusiko dendan eros daitezke 35 eurotan, eta baita Euskadiko Kutxako kontu korronte honetan dirua sartuta: 3035 0026 29 0260070319.
Ikastolak gogorarazten du dirua sartzerakoan noren izenean sartzen den ipini beharko dela eta tiketa edo diru-sarreraren ziurtagiria eraman behar dela.
