Herriko Futbol Txapelketako final erdietara iritsi diren lau taldeek, finalerako txartela izango dute jokoan gaur arratsaldean. Alde batetik, 16etan, Jan Da Lo eta Basayoung ariko dira nor baino nor, eta bestetik, 17:00etan, Ba Motei! eta Eta Abar.
Goleatzaile onenaren eta gol gutxien jasotako taldearen sariak ordea, erabakita daude eta irabazleak, Basayoung-eko Mikel (38 gol) eta Basayoung bera dira (35 gol aurka).
Bazkaria Inauterietan
Urtero bezala, aurten ere koadrila arteko bazkariak emango dio amaiera Gazte Pikuk antolatutako Futbol Txapelketari. Bazkari hori, Legorretako Inauteriak ospatuko diren egun berean egingo da, hau da, datorren otsailaren 25ean, Bilkoin Elkartean, 14:30ean.
Bertara, Futbol Txapelketako parte hartzalleez gain, edonork joan ahal izango du, beraz, irekia izango da. Gazte-Pikuk, bazkarira joateko gonbitea egin nahi die legorretar guztiei.
Tikeak salgai daude Olason eta Pikondon, salneurria 5 eurokoa da, eta erosteko epea berriz, datorren astelehenean amaituko da, hilak 13. Aipatu, Futbol Txapelketako inskripzioa ordainduta dutenek, ez dutela txartelik erosi beharko.
