Joan den igandean eguraldi txarraren eraginez bertan behera gelditu ondoren, bihar eguerdian egingo da Zaragueta eskolak antolatzen duen Kros Txikiaren hirugarren edizioa.
Proba lau adin tartetan banatu dute antolatzaileek, 2006-2007 urteetan jaiotakoak A kategoria; 2004-2005ean jaio zirenak B kategoria; 2002-2003koak C kategoria eta 2000-2001ean jaiotakoak D kategoria. A kategoriakoek 150 metroko lasterketa egingo dute; Bkoek 300 metrokoa; C multzokoek 600 metro beteko dituzte lasterkan; eta D kategoriakoek 1.000 metroko saioa egingo dute.
Oraindik izena eman ez dutenek, bihar goizean daukate horretarako aukera, lasterketak hasi aurretik.
Parte-hartzaile guztiak, goizeko 11:45ean, eskolako sarreran bilduko dira eta leku berean jasoko dituzte gurasoek behin proba bukatuta. Amaieran sariak banatuko dira lasterketetan parte hartzen duten guztien artean.
