Hernaniko gazte txokoak datozen asteetarako hainbat ekintza antolatu ditu. Berehala inauteriak direla kontutan hartuz, datorren asteazken eta ostegunean gazteek lokala behar bezala dekoratu eta larunbatean, otsailak 18an hain zuzen ere, mozorro bazkarian parte hartzeko aukera izango dute.
Gazte Txokoan bazkaldu eta joko eta dinamika ezberdinak burutzeaz gain, mozorro lehiaketa ere antolatuko da. 11-16 urte bitarteko edozein gaztek bertara hurbildu eta parte hartzeko aukera izango du.
Bestelako ekintzei dagokionez, argazki markoak (otsailak 22 eta 23), eta pultserak (otsailak 29) egiteko tailerretan eta futbolin lehiaketan (otsailak 17) parte hartzeko aukera izango dute.
Arrakasta handia
Urtarrilean burututako ekintzen artean, hilabete bukaeran antolatutako mural tailerrak arrakasta handia izan zuen. Aspi diseinatzaileak, gazteen laguntzarekin batera, diseinua aukeratu eta honek irudia egin ostean, gazteei lan egiteko aholku ba-tzuk eman eta gazteak aritu ziren murala margotzen. Azken ukituak noski Aspik eman zizkion eta lortutako emaitza «oso polita izateaz gain, gazteak oso ongi pasa zuten, ekin-tza oso positiboki baloratuaz».
