Bele Gazte Gaztelekuan ekintza bereziak antolatu dituzte otsailerako. Pasa den larunbatean, Santa Ageda kantu eskean ibili ziren herriko kaleetan zehar eta ondoren afari mokadutxo bat egin zuten.
Larunbat honetan, otsailak 11, brotxe tailerra egingo dute fieltroekin. Otsailak 17, ostiralean, inauteriak ospatuko dira Zegaman eta azkenik, otsaileko azken larunbatean, 25ean, fruta koktelak egingo dituzte gaztelekuan.
Gaztelekua larunbatetan arratsaldeko 16:00etatik 21:00etara egoten da irekita eta astean zehar berriz, astelehen, asteazken eta ostiraletan,a rratsaldeko 18:30etatik 20:00etara.
Aurretik aipatutako ekintzetan parte hartu nahi duenak aurrez gaztelekuan bertan eman beharko du izena. Nahi duenak beraz, badu aukera ekintzetan parte-hartzeko eta bide batez ondo pasatzeko.
