Asteburu betea izango dute, beste behin, Lapke herriko pilota elkarteko gazteek, Gipuzkoako nahiz Udaberri txapelketetako hainbat partida jokatuko baitituzte gaur eta bihar. Horrez gain, Zubizarreta eta Salaberria infantilek Malerreka txapelketako norgehiagoka ere izango dute igande goizean Lesakan.
Jardunaldi honi dagozkion partidetako asko etxean jokatzeko aukera izango dute Lakpe-ko pilotariek. Hain zuzen ere, gaur arratsaldean kiroldegian Gipuzkoako txapelketako bost norgehiagoka ikusteko aukera izango da, 19:00etatik aurrera.
Lehenik eta behin, Gelbenzu eta Baztarrika 2. urteko alebinak kantxaratuko dira, Zizurkilgo Zio-tza elkarteko ordezkarien aurka lehiatzeko. Haien ostean, infantilen mailako Lapke-ko bost bikote arituko dira. Zubizarreta eta Murua, Uretxuko Goierri elkartekoen aurka; Garmendia eta Irizar bergararren aurrean; Gomez eta Gorrotxategi Mendia eta Olariagaren kontra (guztiak ere Lapke-koak); eta arratsaldea ixteko, Ruiz de Gauan eta Telleria Aurrera Saiaz elkarteko pilotarien aurrean.
Horrez gain, Udaberri txapelketako bi partida jokatuko dituzte gaur Lapke-ko pilotariek: Rezusta eta Murua 3. mailako kadeteek Azkoitian eta Lizarralde eta Egiburu 2. mailako kadeteek Astigarragan.
