Buruntzaldeko gainontzeko Udalekin batera, Astigarragakoak 2010ean abiarazi zuen autoeskoletan gidabaimena euskaraz ateratzeko egitasmoa. Iaz 8 astigartar izan ziren azterketa teorikoa euskaraz egin eta gainditu zutenak eta aurten berriz, 18. Horien artean Udalak 400 euroko saria zozketatzen du, hau da, gutxi gorabehera teorikoaren kostua.
2011an Astigarragako Otamendi autoeskolan teorikoa gainditu zutenen arteko zozketa egin eta Astigarragako Naiara González Yabeniri egokitu zaio saria. Aste honetan bertan, Agin Rezola euskara zinegotziak eman dio 400 euroko saria.
Udalak egitasmoarekin jarrai-tzeko asmoa du eta astigartarrak gidabaimena euskaraz ateratzera animatzen ditu. Izan ere, 2012an gidabaimenaren atal teorikoa euskaraz ateratzen dutenek ere aukera izango baitute zozketa berri batean parte hartzeko.
Helburuak
Aurten autoeskoletako egitasmo honen 3. urteari ekin zaio. Guztira, hamaika autoeskolek parte har-tzen dute egitasmoan, Buruntzaldeko guztiek -duela gutxi egitasmo honetan parte hartzera autoeskola berri bat animatu da, Hernaniko Lagunak autoeskola hain zuzen-.
Honela, parte hartzea erabaki zuten autoeskolak formazioa euskaraz eman ahal izateko materialez hornitzen lagundu zitzaien, emandako diru-laguntzekin.
Egitasmoa Astigarraga, Hernani, Urnieta, Lasarte-Oria, Andoain eta Usurbilko herritar euskaldunei zuzentzen da orokorrean, baina bereziki urtean zehar 18 urte bete-tzen dutenei begira, D ereduko eskola euskaldunetan hezitakoei. Helburua, aipatutako guztiak animatzea gidabaimena euskaraz ateratzera, eta horretarako, Burun-tzaldeko herrietako autoesko- lek eskaintzen dienaren berri ema- tea.
