Intxurreko pilotariek Gipuzkoako Eskuz Binakako Txapelketako hiru neurketa jokatuko dituzte gaur iluntzeko 19:00etan Alegiako Elorri pilotalekuan. Infantilen mailakoak izango dira hirurak, eta horietako bitan Intxurreko lau bikote elkarren aurka ariko dira; hirugarrenean Goierri izango da etxekoen aurkaria.
Bestetik, ordubete geroago Ikaztegietan izango dute hitzordua Intxurreko beste bi bikotek, Udaberri Txapelketaren baitan: bigarren mailako kadeteek Ilunperen aurka jokatuko dute, eta lehenengo mailako nagusiek, Belokiren aurka.
Gaurko hitzorduekin amai-tzeko, bigarren mailako nagusien bikote batek Udaberri Txapelketako neurketa jokatuko du Eibarko Astelenan 20:00etan etxekoen aurka.
Azkenik, asteburuko azken partidak Elgoibarrera eramango gaitu igandean: lehenengo mailako jubenilen bikote batek Udaberri Txapelketako norgehiagoka jokatuko du eguerdiko 12:00etan Lagunaken kontra.
