Ezker Abertzaleak, EAk, Aralarrek eta Alternatibak otsailaren 11an Donostian 'Eran-tzuna gure esku. Erabakia gure esku' lemapean burutuko den manifestaziora joateko deia egin dute. Eraldaketa sozialaren aldeko mobilizazio honetan parte hartzeko Debagoienetik autobusak antolatu dituzte.
Manifestazioak «martxan dagoen erreforma neoliberalari eta zentralizazio prozesuari aurre egin» eta «sendo erantzutea» du helburu. Baina erantzunaz gain, «errealitate gordin honek alternatiba berri baten eskaintza ere eskatzen du: burujabetza politikoa eta ekonomikoa oinarri izango duena, eta eredu berri baterantz bidea markatuko duena; eta burujabetza ekonomikoa nahi eta behar dugun eredu sozial eta alternatibo bat eraiki-tzeko» aditzera eman zuten deitzaileek. Funtsean, «ezkerretik eraikitako Euskal Herri sortzeko, pertsona guztien eskubide eta aukera berdintasunean». Eskari honen alde kalera ateratzeko deia luzatu diete herritarrei eta eragileei. Aipatu 4 alderdiek babestutako agerraldia Bilbon, Gasteizen eta Iruñean ere gauzatuko da, Donostiaz gain.
