Denboralearen ondorioz, Intxurreko futbol taldeek joan den asteburuan jokatu behar zituzten sei partidetatik hiru bertan behera geratu ziren: jubenilena, kadete neskena eta infantil neskena. Gainontzeko hiru partidetan, garaipen bat eta bi porrot eskuratu zituzten Intxurreko futbolariek.
Kadete mutilek Kopan lorturikoa izan da garaipen hori. Eneko Garmendiaren taldeak 3-1 irabazi zion Beasain Bri, eta une honetan multzoko sailkapenean bigarren postuan dira 9 punturekin, lidertzan den Euskalduna Brekin puntutara berdinduta. Datorren asteburuan Aizkorri-Goierri izango dute aurkari.
Preferentean diharduen Intxurreko taldeak 1-3 galdu zuen Soraluzeren aurka, eta gauzak horrela, multzoko sailkapeneko azken postuan jarraitzen dute alegiarrek 12 punturekin, aurretik duten Eibartarrak taldearengandik hiru puntura. Datorren asteburuan Ilintxaren aurka jokatuko dute.
Azkenik, Aralar-Intxurreko infantil mutilen taldeak 2-4 galdu zuen Lazkaoren aurka. Une honetan alegiarrak laugarren postuan dira 20 punturekin, aurretik duten Tolosarengandik bi puntura. Datorren asteburuan Danenari egingo diote aurre.
Gomezen argazkiak
Alegiako Jubilatuen tabernan Sara Gomez amezketarraren argazkiak ikusgai daude egun hauetan. Duela egun abtzuk abdira jarri zituela amezketarrak bere koadroak bertan, eta otsailaren 13a bitartean egongo dira Jubilatuen tabernan zintzilik
