Urola Kostako Udal Elkarteak ikastaroak eskaintzen ditu, erabat doan, lana bilatzen lagun-tzeko. Udal Elkartea Lanbideko Orientazio Zerbitzu Kolaboratzailea da. Ikastaroen helburua lana bilatzen laguntzea edota, lana dutenei, lanari eusteko gaitasunak hobetzen laguntzea.
Ikastaroak Zarauzko Enplegu Zentroan bertan ematen dira (Urdaneta bidea, 6). Interesa duenari adierazi ikastaroak doakoak direla, baina aurretik izena eman behar dela parte hartzeko. Izena emateko edo informazioa jasotzeko, bertara hurbildu, edo deitu telefonoz 943.890808 telefonora (Olaia Sainz edo Vanessa Garcia). Beste aukera mezua bidaltzea da orientazioa@urolakosta.org helbidera.
Ikastaro motak
Lau ikastaro mota eskaintzen dira. Ondorengoak: Lana bilatzeko teknikak teknologia berriak erabiliz; Enplegua 2.0, lana bilatu eta lor-tzeko bide berriak ezagutzea eta erabiltzen ikastea; Lan elkarrizketak, elkarrizketa hauek nola egin ikasi eta ongi prestatzeko; eta pertsona eta pertsona arteko gaitasun eta trebetasunak, helburua, lanik gabe egoteak sortzen dituen ezintasun eta egoera pertsonalei aurre egiten ikastea.
Ikastaro hauek Urola Kostako Udal Elkarteak eskaintzen ditu, Lanbideren diru-laguntzari esker. Ikastaroek ez dute lana aurkitzea ziurtatzen, baina bai beharrezko prestakuntza bat.
