Lagun Onak Mendi Bazkunako kideak sagardotegira irteera antolatu dute zapatuhonetarako. Ez da, ordea, sagardotegirako ohiko irteera izango. Izan ere, Azpeititik abiatu eta oinez joango dira bertara.
Plazatik, goizeko 8etan, irten eta Elosiagatik zehar Bidaniara joango dira aurrena. Handik Santutxora jarraitu eta Intxurretik zehar, Aldaba Txikira. Ondoren, Isastegi sagardotegian bazkaldu eta arratsaldean bueltatuko dira, autobusez, herrira.
Izen-ematea
Ibilaldian parte hartzeko asmoa dutenek, bihar, osteguna, otsailak 9, baino lehen eman behar dute izena ohiko lekuetan, hau da, mendizaleen tabernan edo www.lagunonakmb.org hala lagunonak@euskaltel.net helbideetan.
Bazkideek 4 euro ordaindu behar dute. Elkarteko bazkide ez direnek, 6 euro eta ikasle eta langabetuentzat, aldiz, 3 eurokoa da irteeraren prezioa. Sagardotegiko bazkaria norberak ordaindu beharko du sagardotegian bertan.
