Girizia Mendi Elkarteak otsailaren 26rako irteera erakargarria antolatu du. Inauterien bueltan, festa hau gogotik ospatzen duen Arantza herri nafarrera joan ahal izango du animatzen den mendizale orok. Aukera desberdinak eskainiko ditu gainera antolakuntzak bakioitzak berari hobeto egokitzen zaion plana aukera dezan.
Ausartenak eta sasoien dauden horiek Oiartzundik bertatik oinez joan daitezke goizeko 6:30ean Haurtzaro Ikastolatik abiatuta. Zazpi orduko ibilaldia aurreikusten da multzo honentzat.
Hainbeste ibili nahi ez duenak autobusean Exkax pareraino joatea izango du eta handik lau ordu eta erdi inguruan iritsiko da oinez Arantza herrira. Multzo honek goizeko 8.00etan izango du hitzordua ikastolako aparkalekuan.
Hirugarren plan bat ere diseinatu du Girizia Mendi Elkarteak: bizikletan joatea Oiartzundik Arantzaraino. Goizeko 8.00etan etapari irteera eman eta lau ordu inguru behar izango dituzte bizikletan joaten direnek helmugara iristeko. Ibilbideak (Oiartzun-Aritxulegi-Dorriko-Pagolleta-Izuko Lepoa-Oilargarata-Arantza) 38 kilometro izango ditu eta 1.300 metroko desnibela.
Autobusa, dutxatzeko eta bizikleta garbitzeko aukera gehi Aran-tzako aterpean bazkariak 32 euro balioko ditu eta beharrezkoa da izena ematerakoan 20 euro aurrera-tzea. Beti bezala, izena emateko Amazkar Tabernara edo Garmendi Txkolategira jo daiteke.
Joaneko bidaia bakoitzak aukeratutako modura egin ondoren, bueltakoan bakoitzak bere abenturak kontatuko ditu autobusean.
