Xabier Lizasorekin musika sentsibilizazio saioaz goza-tzeko aukera izan zuten ostiralean Zaragueta Herri Eskolako ikasle gazteenek eta berauen irakasleek. Saio hauek Kutxak babestutako ekimen bati esker egiten dira Gipuzkoako ikastetxeetan eta Orioko eskolak ere parte hartzen du azken urteetan.
Ostiral arratsaldez musikaz lagunduta amets, jolas eta beste hainbat jarduera egiteko aukera izan zuten neska mutilek. Xabier Lizasoren maisutasuna nabari da; urteak daramatza musikari oriotarrak era honetako saioak gidatzen eta duen esperientzia azaleratzen da haurrekiko duen goxotasun eta dedikazioan. «Eskerrik asko Xabierri halako tarte goxoa bizitzeko aukera eman zigulako».
