«Zorion, etxe hontako denoi! Oles egitera gatoz, aterik ate ohitura zaharra, aurten berritzeko asmoz. Ez gaude oso aberats diruz, ezta ere oinetakoz. Baina eztarriz sano gabiltza, ta kanta nahi degu gogoz», Santa Ageda bezperan kantatutako kopla ezagunaren hasierako ahapaldiarekin hasi ziren kantuan Aiztondo Abesba-tzaren kideak eta Astigarragako euskaltegiko ikasle eta irakasleak.
Izan ere, urtez urte, otsailaren 4ean, ez baita kantu eta bertsorik falta izan herriko kaleetan zehar. Aurten ere Aiztondo abesbatza, Txirriskla txistulari taldea eta Astigarragako euskaltegiko ikasle eta irakasleak Astigarragako Foru enparantzatik abiatuko ziren pasa den asteburuan Santa Agedaren omenezko kantu eskean herriko beste zenbait lekutan kantatzeko geldialdiak eginez.
Ibilbide hotza
Gipuzkoako beste herri batzuetan bezala, Astigarragan ere eguraldiak ez zuen gehiegi lagundu Santa Ageda bezperan. Kantuan ibili ziren herrian zehar, baina bizilagun gehienak ez ziren animatu kalera ateratzera eta taldeekin ibilbidea jarraitzera.
