Ezkio-Itsasoko trakzio mekanikozko ibilgailuen gaineko zergari dagozkion ordainagirien borondatezko ordainaldia hurrengo astean, otsailaren 15ean, asteazkena, irekiko da eta datorren martxoaren 15ean amaitu.
Zerga hau ordaintzeko bi modu daude. Alde batetik, helbideratutako ordainagiriak, zerga ordaindu behar dutenak esandako kontu eta banketxe edo kutxan sartuko dira borondatezko ordainaldiaren bukaeran; bestalde, banketxe edo kutxaren batean helbideraturik ez dauden ordaina- giriak, zergadunari, posta bidez bidaliko zaizkio bere helbide fiskalera. Horrela, eta hau ordaintzeko, edozein erakunde laguntzailera jo dezake ordainagiria aurkeztuz. Gogoratzen da aurrerantzean ordainagiriak helbideratzeko eskaria momentu horretan bertan egin daitekela.
Ordaintzeko epea otsailaren 15ean hasiko da, beraz, otsailaren 20tik aurrera zergadunak etxean ez badu ordainagiririk jaso, Ezkio-Itsasoko Udal bulegora joan beharko du.
Borondatezko epea amaiturik, martxoak 15, ordaindu gabeko zorrak prozedura exekutiboaren bitartez eskatuko dira eta premiamenduzko errekargua, berandutza interesak, eta sor daitezken kostuak gehituko zaizkio.
