Txintxarri abesbatzako eta Zazpi Astoren Gainean bertso taldeko kideek elurpean egin zuten larunbatean Santa Ageda bezperako kantu jira.
Goizean malutaren bat edo beste ikusi bazen ere, bazkalostean hasi zuen Alegian elurra mara-mara, eta bazterrak zuri geratu ziren berriz ere.
Elurra eta hotza lagun zituztela, beraz, herriko auzo eta kaleetan kantuan ibili ziren abeslariak eta bertsolariak: lehenengoek Santa Ageda bezperan ohikoak diren doinuak abestu zituzten, eta bertsolariak bat-batean aritu ziren. Kantu jira amaitutakoan, Txintxarri elkartean afaldu zuten batzuek eta besteek.
